Përmes një interviste të dhënë për emisionin “Open”, presidenti i vendit Ilir Meta ka folur për përplasjen e tij me ndërkombëtarët. Meta deklaroi se nuk është përplasur me zyrtarët e Bashkimit Evropian apo me NATO-n, por me një kastë ndërkombëtarësh që kanë në plan shpopullimin e vendit.
“Ju përpiqeni të absolutizoni diçka që unë e kam pasur të qartë. Kur flas për “Rilindjen” e kam për atë lokale këtu dhe për atë ndërkombëtare, e cila manipulon, lobon në qeveri të caktuara, në institucione të caktuara dhe është e interesuar që në Shqipëri të kemi një situatë të tillë që e mban Shqipërinë larg Bashkimit Evropian, dhe njëkohësisht që garanton interesat e Rilindjes ndërkombëtare dhe asj lokale. Në kundërshtim me interesat e shqiptarëve në rajon dhe me interesin e qytetarëve shqiptarë që jetojnë këtu. Ikën 1 nga Serbia për 1 mijë banorë, ikin 12 nga Shqipëria, ikën 1 nga Mali i zi , ikin 14 nga Shqipëria, ikën një nga Kosova, ikën 4 nga Shqipëria, është një projekt i “Rilindjes ndërkombëtare” për shpopullimin e vendit. Qëndrimi im nuk ka të bëjë me Bashkimin Evropian apo me NATON”, tha Meta.
Discussion about this post