Përplasjet që kryeministri Edi Rama ka pasur me kryebashkiakun e Vlorës, Dritan Leli po ndikojnë edhe në qëndrimin që institucione të tjera në Vlorë po mbajnë karshi kryetarit të Bashkisë.
Së fundmi mësohet se Prefektura e Vlorës me drejtues Flamur Manaj i ka kthyer buxhetin e miratuar në mbledhjen e këshillit të bashkisë për muajin dhjetor. Institucioni i prefektit nuk e ka miratuar projekt-buxhetin e bashkisë për vitin 2022.
Sipas burimeve nga bashkia e Vlorës mësohet se mosmiratimi i buxhetit është për shkak të rritjes se taksave të pastrimit në paketën fiskale gjë e cila nuk është pasqyruar në shpenzimet për pastrimin.
Ndërkohë sipas projekt buxhetit të paraqitur në prefekturë shpenzimet e pastrimit për vitin 2022 janë më të ulëta se viti 2021. Ndërkohë tashmë pritet që pas 15 ditësh ky buxhet të diskutohet sërish në këshillin e bashkisë.
Discussion about this post