Gjatë intervistës në emisionin “Top Story”, Presidenti i FSHF-së, Armand Duka ka folur edhe për përplasjen që ka pasur me kryebashkiakun e Tiranës Erion Veliaj. Duka u shpreh se nëpërmjet mekanizmave jo ligjorë mund të bëjnë çdo gjë. Sipas tij, vendosja e tritolit në banesën e tij, personi që e vuri mund të jetë inspiruar nga deklaratat e Veliajt.
“Nuk arrij ta gjej dhe ta lexoj te komuniteti i futbollit, kam kundërshtarë që nuk mendojmë njësoj dhe mund të kemi debate. Fakti që i gjithë komuniteti i futbollit u bashkua me mua do të thotë se skam pasur asnjë gabim. Unë nuk harxhoj kohë, do të shoh punët e mia. Nëpërmjet mekanizmave jo ligjorë mund të bëjnë çdo gjë. Nëse ti me mjete jo ligjore përdor kompetenca që nuk të takojnë, mund ta bësh. Nuk ishte një gjë që e prisja, të nesërmen i ndihmuar në analizën që bëra edhe me miqtë e mi, nuk është autor i ngjarjes as Erion Veliaj as ndonjë tjetër i qeverisë. Por deklaratat që bënte ai ishin dyshuese. Ka qenë inspirim nga Veliaj, kështu mendoj. Nga hetimet nuk ka sinjale se kush mund të ketë qenë” – tha Duka.
Discussion about this post