Prokuroria e Posaçme kundër Korrupsionit dhe Krimit të organizuar (SPAK), ka kërkuar pushimin e çështjes në lidhje me padinë që presidenti Ilir Meta bëri kundër Ardian Dvoranit, ish-kreut të Këshillit të Emërimeve në Drejtësi.
Mësohet se, seanca gjyqësore është parashikuar që të mbahet nesër në orën 09:00 të mëngjesit, nën drejtimin e gjyqtarit Erjon Çela.
Në shkurt të vitit 2019, presidenti Meta firmosi kallëzimin penal kundër kryetarit të atëhershëm të Këshillit të Emërimeve në Drejtësi, Ardian Dvorani, pasi e akuzonte për “shpërdorim detyre” dhe “përvetësimi i titullit apo i detyrës shtetërore”.
Ardian Dvorani u largua nga detyra si kryetar i KED nga Këshilli i Lartë Gjyqësor, pasi i kishte mbaruar mandati, por vazhdonte të qëndronte, me pretendimin se nuk i ishte gjetur zëvendësuesi.
Discussion about this post