Ish kryeministri Sali Berisha ka dhënë një deklaratë për mediat pas mbledhjes me grupin parlamentar ku nuk munguan përplasjet mes tij dhe kreut të grupit, Enkelejd Alibeaj për zgjedhjen e Presidentit të ri.
Berisha tha para gazetarëve se Alibeaj është zgjedhur nga Balla për të shkuar në takim, por jo nga demokratët, ndërsa shtoi se ka denoncuar në mbledhje praktikat e Ramës për zgjedhjen e Presidentit.
“Theksova se opozita nuk mund të përfaqësohet kurrë me të emëruar nga Balla. PD nuk do ta njohë kurrë një praktikë të tillë, së dyti denoncova me forcën më të madhe praktikën mafioze që ndjek Edi Rama për procesin e zgjedhjes së presidentit, që diskrediton Presidencën. Kjo praktikë përlyen qartësisht çdo lloj pjesëmarrje për një proces që në kushte normale duhet të merrnin pjesë të gjitha palët. Ai do të nxjerrë nga zyrat e tij njeriun që do dhe komandon, në këtë kontekst…”, tha Berisha.
Ndër të tjera, Berisha tha se zgjedhja Presidentit me zarfe nuk është transparente, pasi sipas tij procesi është sekret dhe brenda grupit parlamentar.
Ata kanë bërë zgjedhjet e tyre, personalisht e denoncoj këtë farsë të shëmtuar, zhvillohet me zarfe sekrete brenda grupit parlamentar. Në radhë të parë përcaktohen rregullat në formë transparente. Ata mund të kenë propozuar 30 emra dhe aty mund të mos jetë fare emri i personit që do, mos shqipto emra por dërgo email, kemi të bëjmë me një narko shtet. Opozita nuk ka asnjë lidhje me këtë proces. Nuk them se ai nuk ka vota por jo të poshtërojë”, shtoi Berisha.
Discussion about this post