Opozita ka bllokuar foltoren e Kuvendit dhe seanca është ndërprerë, teksa mazhoranca socialiste ka refuzuar kërkesën e paraqitur nga Grupi Parlamentar i PD-së për të ndryshuar anëtarët e Komisionit të Reformës Zgjedhore.
Gazment Bardhi, kryetar i Grupit Parlamentar të PD, është shprehur se opozita ka të drejtë të caktojë vetë përfaqësuesit e vetë në komisionin e reformës zgjedhore.
Ai shtoi se ka një tentativë të qartë të grupit të PS për të penguar përfaqësimin e opozitës në këtë komision dhe për të zvarritur realizimin e reformës zgjedhore.
“Nëse opozitës i mbyllet çdo hapësirë, Kuvendi nuk mund të funksionojë në mënyrë normale. Kur nuk realizohen kërkesat e interpelancës, kur nuk lejohen komisionet, kjo do të thotë se parlamenti ka humbur çdo mundësi bashkëjetese normale mes pozitës dhe opozitës”, u shpreh Bardhi.
Discussion about this post