Ditën e sotme ka pasur tensione dhe përplasje mes qytetarëve dhe efektivëve të Policisë në Selanik, ku mijëra persona janë mbledhur për të kundërshtuar vaksinimin e detyrueshëm ndaj koronavirusit.
Sipas mediave greke, qytetarët janë mbledhur në shesh që prej mëngjesit, ndërkohë që gjithë kohës i kanë bërë thirrje efektivëve: Hiqni helmetat dhe ejani me ne. Sot ne, nesër ju! Më pas, protestuesit filluan të hedhin koktej Molotov dhe shishe plastike mbi forcat e “MAT” greke, të cilët u përgjigjën me përdorimin e gazit lotësjellës dhe largimit me ujë.
Qytetarët, të mbështetur nga aktivistë dhe anëtarë të partisë opozitare “Syriza”, duket se nuk kanë ndërmend që të hapin rrugët, duke bllokuar çdo mundësi që qyteti të vizitohet nga kryeministri Kyriakos Mitsotakis. Ai kishte planifikuar që të mbante një fjalim në qytet në orën 20.00, por nuk dihet nëse plani qëndron ende.
