Në një dalje live në Facebook ku po bashkëbisedon me ndjekësit e tij, kryeministri Edi Rama nuk e ka ndalur ironinë ndaj përplasjes së djeshme mes simpatizantëve të Bashës dhe mbështetësve të Berishës. Për një nga komentet e ardhura në Facebook-un e tij, se kur dy persona zihen, fiton gjithmonë një i tretë, Rama është shprehur se sot atij i intereson vendi dhe kombi.
“Ky është mandati i tretë, nuk më intereson fitorja në vetëvete në aspektin e mundësisë për të drejtuar një qeveri të shumicës, e kam përjetuar e tejkaluar. Nëse e kam menduar fitoren si mundësi për vendin, sot realisht mendoj si i tillë. Nëse dje kam ndjerë dhe aspektin personal, sot është ndryshe. Sot më intereson vendi e kombi. Sa fiton njerëzit e kombi. Është më e mira që kemi pasur dhe mund të kemi në këtë fazë. Shikoni çfarë bëhet me alternativat e tjera”, tha ai.
Kryeministri shtoi më tutje se nuk argëtohet si ata persona që ndukin puplat, ndërsa theksoi se të Basha dhe Rama treguan që po e përdorin partinë për të siguruar një post. “Nuk argëtohem sesi i ndukin puplat njëri-tjetrit. Të gjithë të bëjnë diçka dhe kjo ndarje e thellë, kjo përçarje që i pari e ka mishëruar që ditën e parë si një mjet për t’i përçarë dhe sunduar shqiptarëve, është vazhduar si instrument politik”, tha ai.
Kujtojmë se në mbrëmjen e kaluar Rama ka ironizuar Bashën dhe Berishën, teksa këta dy të fundit fajësonin njeri-tjetrin për lidhje të fshehta me kryeministrin.
Discussion about this post