Pas zërave që qarkulluan në media ditën e sotme, se kreu i Partisë Demokratike është shprehur në mbledhjen e grupit parlamentar të PD që i anëtarësia është anti-amerikane, ka reaguar selia blu.
Në njoftimin e Partisë Demokratike thuhet se Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Sipas tyre ky është është një trillim i qëllimshëm nga ata që prej kohësh keqpërdorin gjithçka për interesa personale.
“Në lidhje me spekulimet që qarkullojnë mbi mbledhjen e sotme të Kryesisë së Grupit Parlamentar të PD-së, Partia Demokratike deklaron: Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale” – thuhet në njoftimin e PD.
Më tej PD shprehet se Basha ka thënë Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cenojë aleancën dhe partneritetin mes Partisë Demokratike dhe SHBA-ve.
“Z. Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cenojë aleancën dhe partneritetin mes Partisë Demokratike dhe SHBA-ve” – mbyllet njoftimi i PD.
Ditën e sotme është mbajtur mbledhja e radhës e grupit parlamentar të PD, ku nuk kanë munguar edhe debatet e forta mes kreut të PD dhe deputetëve që kanë dal kundër vendimit për përjashtimin e ish-liderit historik të partia.
