Grupi parlamentar i Partisë Demokratike do të mblidhet sërish sot, për të dytën herë brenda ditës, pas situatës së tensionuar mes Sali Berishës dhe Enkelejd Alibeajt.
Mësohet se, mbledhja do të mbahet pas përfundimit të seancës plenare, ndërsa e para u mbajt rreth orës 9 të mëngjesit të sotëm, ku Berisha ishte i pranishëm pavarësisht kërkesës së Alibeaj për deputetët e përjashtuar.
Në mbledhje, Alibeaj i tha Berishës së nuk duhet të ishte aty, ndërsa ish-kryeministri i kujtoi vendimin e Gjykatës për njohjen e statutit të Kuvendit të 11 dhjetorit.
Ajo që ra në sy në këtë mbledhje është mungesa e 10 deputetëve, përfshirë edhe emra të njohur si Grida Duma apo Alfred Rushaj dhe Agron Gjekmarkaj, të cilët deri pak kohë më parë kanë mbajtur një qëndrim jo përjashtues ndaj Berishës, edhe pse kanë deklaruar se rikandidimi i tij si kryetar nuk duhet të ndodhë. Në mbledhje nuk ishte as Lulzim Basha.
Discussion about this post