Përplasjet e fundit nuk i trembin himariotët, radhë për të votuar

Në Bashkinë e Himarës për zgjedhjet vendore ka një interes të madh nga ana e votuesve për të marrë pjesë.

Një ditë pas arrestimit të kandidatit të koalicionit “Bashkë Fitojmë”, Fredi Belerit, ngjarje që bëri bujë, duke qenë se ndodhi disa orë para se të zhvilloheshin votimet, qytetarët himariotë duket se janë mjaft të interesuar për të ushtruar të drejtën e tyre të zgjedhjes.

Që në orët e para të fillimit të procesit shihen banorë të cilët janë paraqitur në qendrën e votimit.

Në garën për kryetar bashkie, janë kandidati i PS-së, Jorgo Goro dhe kandidati i koalicionit “Bashkë Fitojmë”, Fredi Beleri.