Komisioni Evropian ka hartuar një projektligj përmes të cilit do të ndëshkohen subjektet që ndihmojnë emigrantët ilegalë të hyjnë në BE. Ky projektligj është bërë duke marrë shkas nga fluksi i emigrantëve që ka vërshuar së fundmi në Poloni, Lituani dhe Letoni. Nga ana e saj BE akuzon BE se po përdor refugjatët për t’u hakmarrë për vendosjen e sanksioneve.
“Këto veprime përbëjnë një kërcënim real për sigurinë e Unionit tonë. Ato shkojnë përtej Bjellorusisë. Ata po vënë në provë unitetin tonë. Por BE ka vullnetin, unitetin dhe mjetet për t’u përballur me këtë krizë dhe të tjera si kjo”, tha Ursula von der Leyen, presidente e Komisionit Evropian.
Mes masave që do të merren nga BE, për të parandaluar valën e madhe të emigrantëve do përfshihen: ngrirja e operacioneve në BE; tërheqja e licencave të veprimit; ndalimi i fluturimeve mbi BE dhe aksesin në portet e tij dhe pezullimi i të drejtave për të vepruar brenda bllokut.
Megjithatë, në Parlamentin Evropian ka edhe nga ata që deklarojnë se BE nuk mund të veprojë më shumë për këtë çështje, as në rastin e Bjellorusisë. “Për sa kohë shohim njerëzit si kërcënimin më të madh, ne i japim Bjellorusisë dhe regjimeve të tjera mjete për të vepruar. Ne duhet t’i ndihmojmë njerëzit në nevojë. Ata nuk janë armë, por njerëz në vështirësi”, tha Ska Keller, euro-deputete e të Gjelbërve në Gjermani. Beteja me Bjellorusinë ka vënë në pah problemin e madhe me emigrantët që po has në këto kohë Bashkimi Europian.
Discussion about this post