Ish-kryeministri Sali Berisha ka komentuar debatet e një dite më parë në Kuvend me kryeministrin Edi Rama. Ai tha se kryeparlamentarja Lindita Nikolla e drejton seancën në mënyrë të tmerrshme dhe ajo bëhet shkaku kryesorë që deputetët degradojnë në konflikte. Sipas tij, do të ishte më mirë që ajo të jepte dorëheqjen.
“Siç e deklarova. Ka dokumente. Ne hymë në parlament të vendosur për të votuar rezolutën. Ai hyri në parlament për të fshehur autorët e vërtetë të rezolutës. Duke na akuzuar ne sikur e kishim shkruar ne rezolutën. Ne në çdo seancë rezolutën për Kosovën do ta ngrejmë. Ajo zonja drejton parlamentin në mënyrën më të keqe. Çon drejt një konflikti në parlament. Ajo aq e ka.
Zbaton verbërisht urdhrin e Edi Ramës. Ajo mund të japë dorëheqjen që të mos shkelë rregulloren . Gënjeshtër pas gënjeshtre. Njëherë i thotë zotit Shehu se po e çojnë në Komisionin e Jashtëm. Ka një muaj e gjysmë që rezoluta është aty”, tha ai. Ndërsa tha se vetëm një kryeministër si Rama vë në poste drejtuese njerëz të paaftë.
Discussion about this post