Përplasjet në Kuvend, Çani: Duhen flakadanë, opozita duhet të bëhet si…

Gazetari Arian Çani ka komentuar përplasjet dhe kaosin që është krijuar kohët e fundit në Kuvend.

Në një intervistë për emisionin “Now”, Çani ka propozuar që opozita duhet të ndjekë shembullin e kreut të qeverisë Albin Kurti, gjatë kohës që ishte në opozitës.

Sipas tij opozita në vendin tonë duhet të ketë një strategji, ose në të kundërtën nuk do arrijë asgjë.

“Kujtoj opozitën e Albin Kurtit, e mbani mend sa vazhdoi me flakadanë. As opinionin nuk e kishte shumë pro, dhe me kalimin e kohës filloi të bëhej normale.

Me kalimin e kohës filloi të bëhej normale. Njerëzit duhet të mësohen me një teatër të ri, me ca aktorë të veshur me kostume të tjerë. Unë them se nëse e kanë me kaq nuk do të arrijnë gjëkundi. Nëse nuk do të kenë një strategji nuk do të arrijnë asgjëkundi”, tha ai.

Çani u shpreh se kjo që po bën opozita është shumë pak, pasi sipas tij ajo duhet të dalë nga vetja.

“Ka një inerci, thjesht për të thënë se çfarë po ndodh. Nuk ka ndonjë gjë të re. Ka tymuese, karrige të përmbysura. Berisha që del live ndërkohë që votohen ligjet me shpejtësi. Nuk ka asgjë të re. Ka thjeshtë vazhdimësi.

Mendoj se kjo që po bën opozita është shumë pak. Ritmi dhe teknikat e kundërsulmit duhet të jenë më të forta. Nuk ka vajtur thika në palcë. Mua më duket një gjë fare normal.

Opozita nuk është jetë a vdekje. Është një fëmijë që vetëm qan, por më pas do të pushojë. Gjendja nuk është skandaloze”, tha ai.