Mbledhja e Grupit Parlamentar të PD që u zhvillua ditën e sotme u shoqërua me një sërë debatesh, për shkak të ndërhyrjes së Sali Berishës. Deputeti demokrat Luan Baçi ka dhënë më shumë detaje nga mbledhja gjatë një interviste televizive. Baçi e ka quajtur një zhvillim pozitiv i cili ka normalizuar dhe e ka bërë kompakt grupin parlamentar të PD-së, pasi asnjë deputet nuk u shpreh kundër pjesëmarrjes së deputetëve të përjashtuar nga Lulzim Basha me vendim personal.
“Në mbledhjen e grupit parlamentar që ishte sot kishte shumë pak mungesa dhe absolutisht që asnjë nga deputetët e tjerë nuk kishte kërkesa ndaj deputetëve të përjashtuar nga zoti Basha, i vetmi ishte reagimi i Alibeajt ndaj Berishës por që mori shpjegimin e nevojshëm nga ana e ish-kryeministrit”, tha ai.
Sakaq, ai tha se qëndrimi i Alibeajt dhe ecuria e mbledhjes nuk duhej të ndikohej nga vendimi personal që Basha mori duket ndaj Berishës, duke e përjashtuar këtë të fundit nga Grupi Parlamentar. Ai tregoi se pas largimit të Alibeajt mbledhja u drejtua nga Salianji dhe zoti Boçi. Ndërsa u shpreh më tutje se deri diku e kupton qëndrimin e Alibeajt ndaj Berishës, pasi veproi si kryetar i grupit parlamentar. Më tutje theksoi se deputetët e tjerë nuk patën asnjë ankesë për pjesëmarrjen e deputetëve të larguar nga Basha.
“Në fund të gjithë u drejtuam drejt parlamentit dhe për mua nuk ka asnjë problem te grupi parlamentar i PD-së dhe Alibeaj e përsëriti disa herë për respektin që ka ndaj Berishës por vuri theksin për atë që ka ndodhur para dhe pas vendimi personal të Bashës për Berishën.
Takimi vijoi edhe pak më shumë pas daljes së Alibeajt dhe mbledhja u drejtua nga zoti Boçi dhe Salianji. Më lejoni të them që në mbledhjen e grupit parlamentar që ishte sot kishte shumë pak mungesa absolutisht që asnjë nga deputetët e tjerë nuk kishte kërkesa ndaj deputetëve të përjashtuar nga zoti Basha, i vetmi ishte reagimi i Alibeajt ndaj Berishës por që ishte më shumë si detyrim i tij kryetar në detyrë i grupit parlamentar”, u shpreh ai.
Discussion about this post