Teksa ka diskutuar problemet brenda PD-se, Deputeti demokrat Agron Gjekmarkaj, ka shpjeguar arsyet e dorëheqjes së tij nga funksionet në parti. Gjekmarkaj ka pohuar se rezultati i zgjedhjeve të 6 Marsit ishte befasues dhe duke parë vullneti e shumicë ai vendosi ta pranojë atë dhe të largohet.
“Prisja vendin e dytë, mendoja si do artikulojmë vendin e dytë dhe largimin nga partia e kam parë si lexim të vullnetit të shumicës. E bëra këtë akt duke lexuar vullnetin e shumicës dhe duke patur parasysh që ligjërimi im nuk u lexua si duhej nga elektorati. Në demokraci vendosin numrat, vendos shumica”, deklaroi ai.
Më tutje deputeti tha e iu kërkoi të njëjtën gjë edhe kolegëve të tij. “Tani unë jam pakicë ndaj dhe e mora aktin e dorëheqjes. Ftova edhe të tjerë ta bëjnë këtë, të parin kryetarin Basha por edhe të tjerë që e ndiejnë këtë përgjegjësi”, u shpreh Gjekmarkaj, ndërsa shtroi se kjo dorëheqje lidhej me faktin, që e ka ndjerë veten të tepërt në një parti që po zvogëlohej.
Discussion about this post