“Lulzim Basha po bën një puç, po tenton të marrë Partinë Demokratike me artifica”, u shpreh deputeti demokrat Agron Gjekmarkaj, duke komentuar zhvillimet në atë që njihet si PD zyrtare ose e vulës.
Në studion e News24, Gjekmarkaj tha se po shkohet drejt një pike pa kthim, po shkohet drejt një mini-partie që po tenton ta marrë Lulzim Basha.
“Gazment Bardhi ka meritë që po bën një përpjekje për t’u dhënë kohë që të ndalen ose të gjejnë zgjidhje që çon drejt bashkimit”, tha Gjekmarkaj.
Sipas tij, edhe ajo që ndodhi natën kur u mblodh Kryesia e PD ishte një tentativë për një mini 8 janar, por Berisha e bëri më tragjike, ndërsa Basha më komike.
“Nëse Basha merr asgjënë, një gjë me pak njerëz, me më shumë institucione se anëtarë, është shërbim që i bëhet pushtetit.
Basha po tenton të bëj puç me 7-8 veta, ose me 20 veta në gjithë Shqipërinë. Ndërsa Berisha ka shpallur që nuk lëviz, dhe kemi dy bunkerë! Nëse bëhen zgjedhje në 29 korrik, atëherë është një puç i vogël, puç i ndyrë”, tha Gjekmarkaj.
Discussion about this post