Protestën e dhunshme të organizuar sot nga ish-kryeministri, Sali Berisha, e ka dënuar edhe vendet europiane. Së fundmi ambasada italiane në Tiranë ka deklaruar se protestat e dhunshme duhet të ndalohen kategorisht. Ambasada nënvizon se politika duhet të shërbejë për të shmangur dhunën dhe të bëjnë të dyja palët.
“Ambasada e Italisë dënon me forcë aktet e dhunës që u ushtruan gjatë protestës politike në Tiranë. Përdorimi i dhunës si një mjet politik është i papranueshëm dhe në shkelje të Kushtetutës dhe të legjislacionit shqiptar.
U takon forcave të rendit të garantojnë ushtrimin në mënyrë të ligjshme të së drejtës për të protestuar si dhe për të ndërhyrë me mjetet e duhura nëse dhe kur do të jetë e nevojshme. Ftojmë të gjitha palët të shmangin dhunën si dhe të zgjidhin paqësisht çdo mosmarrëveshje. Politika pikërisht për këtë shërben”, shkruan ambasada.
Kujtojmë s , protesta në zyrat e PD ka nisur e dhunshme dhe ka përfunduar e tillë, duke lënë të lënduar me dhjetëra persona. Ndërsa institucionet ndërkombëtare dënojnë këto akte, duke bërë thirrje për paqe.
Discussion about this post