Në një konferencë për mediat presidenti Ilir Meta ka folur për protestën e 8 janarit, nga ku ka i ka dalë në mbrojtje mbështetësve të Berishës. Ai tha se vetë ata kanë kërkuar që të mos ketë dhunë dhe për të vërtetuar këtë ka publikuar mesazhet me deputetin e Partisë Demokratike Belind Këlliçi.
Përmes SMS-ve ai e ka këshilluar atë që të shmangnin aktet e dhunës. Sakaq, ajo që bie në sy në këtë rast dhe që ngre shumë pikëpyetje është fakti se, pse Meta është përfshirë në këtë pikë? Si ka mundësi që Këlliçi i kërkonte këshilla dhe orientim Metës për protestën?
Mos vallë vetë presidenti ka pasur gisht në organizmin e protestës? Sigurisht, mesazhet e publikuara dhe përgjigjet “bindëse” të Këlliçit lënë të dyshosh që Meta ka qenë një nga “komanduesit” në largësi të protestës.
“Të shtunën në 10:24. Kur pash makinat në oborrin e PD , e vlerësova si një moment provokativ. E mora në telefon, nuk ma hapi dhe pastaj me shkruan se sa mbaroi një mbledhje me të rinjtë e PD-së. I them: Kujdes të mos preket asnjë makinë në oborr sepse është provokim. “Po po nuk behet fjalë”, më thotë ai. Në 11.10, 20 minuta para se të hapej dera. I them: Mos humbni kontrollin paqësor të protestës. “Po” më thotë”, u shpreh Meta.
Ndërsa kujtojmë se, edhe vetë Meta pak kohë më parë bënte thirrje për protesta dhe grumbullime në shesh, çka nxittë dhunë dhe konflikte.
Discussion about this post