Sekretari për Çështjet Ligjore në Partinë Demokratike, Indrit Sefa, akuzon grupimin e Gazment Bardhit lidhur me situatën në Partinë Demokratike.
Në një intervistë televizive, Sefa tha se grupimi i Bardhit kundërshtonte mbajtjen e zgjedhjeve në Partinë Demokratike, pasi plani i tyre ishte që kjo forcë politike t’i dorëzohej pa kushte Sali Berishës.
Sipas tij nëse do të pengohej mbajtja e zgjedhjeve, atëherë planet organizative në PD nuk do të ecnin kurrë dhe partia do t’i dorëzohej pa kushte ish-kryeministrit Berisha, nëse donte që të mbijetonte.
“Ne e kemi dhënë mundësinë gjithë deputetëve që të ishin pjesë e procesit zgjedhor, madje ata kanë qënë të deleguar në zonat përkatëse, kanë qënë pjesë e grupeve të punës.
Të drejtë ose edhe detyrim që kanë pasur ndaj Partisë Demokratike që nuk e kanë ushtruar kurrë.
Në qoftë se Partia Demokratike do të priste pëlqimin e secilit prej nesh për të ecur me planet organizative të saj, nuk kishte për t’u bërë kurrë.
Mbase ky ka qënë edhe qëllimi, që të pengohej, zgjedhja e strukturave të Partisë Demokratike, të pengohej zgjedhjet e organizimit të Partisë Demokratike për të arritur në këtë rezultat që është dorëzimi pa kushte te Sali Berisha. Ky ka qënë objektivi i disa personave aty”, tha Sefa.
Ai tha se ka vetëm një PD që ka për kryetar Lulzim Bashën, ndërsa të tjerët kanë parti imagjinare.
Discussion about this post