Lagjia e “5 Majit” është zgjuar sot me zhurmën e fadromave dhe thirrjet e banorëve që kërkojnë të mbrojnë shtëpitë e tyre. Të gjitha ata kanë bërë rezistencë, por policia m urdhër të Erion Veliajt po i nxjerrë ata me dhunë nga shtëpitë e tyre, ndërsa situata është agravuar.
Banorët thonë se nuk do të lejojnë shembjen, pasi banesat e tyre janë në gjendje të mirë dhe bashkia nuk ka bërë marrëveshje të rregullt me të gjithë ata. Sakaq, mes lotësh dhe revoltës një djalë i ri ka thënë për mediat se policia po i nxjerrë zvarrë prindërit e tij nga banesa. Sipas tij, policia po i trajton ata si të jenë kriminelë dhe jo sikur po mbrojnë shtëpitë e tyre.
“Prindërit e mi janë në shtëpi, po nxirren me zor nga forcat speciale, në vend që të kapin kriminelë kapin prindërit e mi. Është shtëpia jonë, është mundi i 30 viteve, nuk mund ta hedhim. Babai im ka ardhur këtu që në vitin ’92. Nuk kemi arritur një marrëveshje, ne nuk duam shtëpi sociale, jemi me certifikatë pronësie, si mund të trajtohem unë njësoj si banorët e prekur nga tërmeti. Edhe nëse kemi gjetur një shtëpi me qera të përkohshme, nuk e zhbën faktin që na shembën shtëpinë.
Discussion about this post