Partia Demokartike ka reagur sot në lidhje me përplasjen mes banorëve të “5 Majit” dhe qeverisë. PD ka publikuar një video për mes të cilës ngre akuza shumë të forta ndaj kryeministrit Edi Rama. Në postim thuhet se, Rama në zgjedhje iu premton qytetarëve se do t’iu legalizojë shtëpitë dhe sapo merr manadatin i lë në mes të katër rrugëve. Më tutje në postim thuhet se SPAK duhet të hetojë ndërtimet te “5 Maji”, pasi një nga ndërtuesit është trafikant droge.
“Edi Rama i ka mashtruar shqiptarët para çdo pale zgjedhjesh se do t’u legalizonte shtëpitë. U ka marrë votat e më pas u ka vënë rruspat për projekte korruptive si ai i 5 majit, ku një prej ndërtuesve është trafikant droge, për të cilin Partia Demokratike ka kallzuar penalisht Erjon Veliajn. Sot Edi Rama po i nxjerr në mes të katër rrugëve qindra qytetarë të Tiranës duke u çuar dëm mundin dhe sakrificën e një jete. Edi Ramës nuk i bëhet vonë për shqiptarët Edi Rama është i korruptuar. Qeveria e tij është e korruptuar. Me këta në krye, Shqipëria nuk mund të ketë zhvillim. Shqiptarët duhet ta braktisin të shkuarën dhe të korruptuari”, thuhet në postim
Ndërkaq, kujtojmë se ditën e djeshme banorët e Labrakës dhe ata të 5 Majit kanë dalë në protest para Kuvendit, por në fund e vetmja përgjigje që morën nga kryeministri ishte që, sipas tij, ata kanë marrë kompensim edhe më shumë nga se ju takonte.
Discussion about this post