Ndryshe nga Shqipëria dhe disa vende të tjera, Kosova nuk e ka mbyllur ende hapësriën ajrore me Rusinë. Në lidhje me këtë temë ka folur sot Ish-drejtori i Përgjithshëm i aviacionit civil të Kosovës, Eset Berisha. Ai tha se hapësira ajrore e Kosovës është nënë kontrollin e KFOR . Ai tha se rezoluta ‘1244’ i ka dhënë të drejt KFOR-it që të menaxhojë hapësirën ajrore të Kosovës.
“Është për shkak të kompliksitetit juridik dhe më shumë politik të rregullimit të aviacionëve civilë në Republikën e Kosovës. Siç mandati i KFOR-it rrjedh prej rezolutës 1244 të Këshillit të Sigurimit të Kombeve të Bashkuara. Në bazë të kësaj rezolute KFOR ka mandatin për kontrollin e hapësirës ajrore të Kosovës, kjo në bazë të një marrëveshjeje politiko-ushtarake të cilën e kanë nënshkruar forcat e NATO-s me forcat e ish-Jugosllavisë dy ditë para se të botohej kjo rezolutë mbi të cilët kanë marrë kontrollin e tokësor përfshirë dhe hapësirën ajrore të Kosovës. Duhet të kemi parasysh se hapësira ajrore kontrollohet nga KFOR, ndërsa autoritet kosovare që nga 17 Shkurti i vitit 2008-të kanë pranuar një realitet tjetër kanë pranuar marrjen e kontrollit ajror por vetëm pjesërisht”, u shpreh Berisha në ‘Ballkan’.
Discussion about this post