Përsëri “tym i zi” nga Kuvendi i Kosovës, nuk konstituohet as në seancën e 22-të

Deputetët e Kuvendit të Kosovës kanë dështuar për herë të 22-të radhazi të konstituojnë përbërjen parlamentare, të dalë nga zgjedhjet e 9 shkurtit.

Dhe në seancën e sotme nuk u arrit të siguroheshin votat e nevojshme për ngritjen e Komisionit të Mbikëqyrjes për një votim të fshehtë. Vetëm 54 deputetë kanë votuar pro, nga 61 vota që duhen. Një ka votuar  kundër, ndërsa abstenim s’ka pasur.

Propozimi për votim të fshehtë erdhi pasi emri i propozuar nga Vetëvendosja për kryetar të Parlamentit, Albulena Haxhiu nuk arriti të merrte votat e nevojshme.