Efektivët e Policisë së Komisiaratit Nr. 5 në kryeqytet kanë finalizuar me sukses operacionin policor “Repeater” duke arrestuar autorin e dyshuar, i dënuar më parë për të njejtën vepër penale. Shtetasi me inicialet I.I, 24 vjeç, banues në Bathore sipas hetimeve të policisë rezulton si autor i dyshuar për disa vepra penale.
Konkretisht në datën 31 janar, në rrugën “Demokracia” dyshohet se ka vjedhur një shumë parash dhe disa bizhuteri në shtëpinë e shtetasit P.B. Në 7 Prill, në Bathore dyshohet se ka vjedhur kabllo elektrike në biznesin e shtetasit A.S. Gjithashtu, në datën 9 Prill 2022, dyshohet se ka tentuar të vjedhë përsrëi në këtë biznes.
Në bashkëpunim me Prokurorinë vijon puna për dokumentimin e vjedhjeve të tjera që mund të jenë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
Discussion about this post