Protestuesit në Sri Lanka kanë tentuar të mësyjnë në zyrën e kryeministrit të vendit, ndërsa policia iu është përgjigjur me gaz lotsjellës. Forcat e ushtrisë, të cilët janë të armatosur kanë formuar një murin për të mos lejuar protestuesit.
Turmat e zemëruara janë mbledhur jashtë portave vetëm disa orë pasi zyra e kryeministrit shpalli një gjendje të jashtëzakonshme mbarëkombëtare dhe vendosi një shtetrrethim në provincën perëndimore të kombit ishullor. Forcat e policisë kanë gjuajtur me gaz lotsjellës në një përpjekje për të shpërndarë turmën, por demonstruesit kanë mbetur sfidues dhe janë zotuar të vazhdojnë të bëjnë presion.
Si kundërpërgjigje, njerëzit po përdorin sende të forta çfarëdo që gjejnë nëpër rrugë dhe i qëllojnë mbrapsht forcat e ushtrisë.
Më herët të mërkurën, presidenti i vendit i cili u arratis një ditë më parë drejt Maldiveve i dha kryeministrit kompetencat e Kreut të Shtetit.
E mërkura është dita kur është lajmëruar edhe dorëheqja zyrtare e presidentit Rajapaksa.
Ai raportohet se iku drejt Maldiveve me një avion ushtarak brenda natës.
Ai ishte zotuar të largohej të mërkurën mes protestave masive për krizën më të keqe ekonomike të ishullit ndër dekada.
Discussion about this post