Pas përshkallëzimit të situatës në veri, policia e Kosovës ka marrë masat e para duke mbyllur pikat kufitare në Jarinje dhe Bernjak. Ky vendim vjen për shkak të bllokimit të rrugëve nga ana e serbëve të veriut, disa orë para fillimit të masave të reciprocitetit me dokumente.
KFOR-i ka dalë në terren për të vëzhguar situatën ndërsa në komunat në veri është ndezur një alarm që bën thirrje për mbledhje të qytetarëve.
Ky është njoftimi i Policisë së Kosovës për mbylljen e pikave kufitare:
“Policia e Kosovës ka mbyllur kufirin për qarkullim udhëtar dhe për automjete në pikë kalimet kufitare Bernjak dhe Jarinje, për shkak të bllokimit të rrugëve në drejtim të këtyre pikë kalimeve kufitare Jarinje dhe Bernjak.
Njoftohen të gjithë qytetarët të shfrytëzojnë pikat tjera kufitare për qarkullim.”-njofton policia e Kosovës.
Discussion about this post