Person në kërkim/ Arrestohet në Gjermani ish-drejtori i UKD-së dhe koordinatori i PS-së

Denis Gjoni, ish-drejtori ekonomik i ndërmarrjes së Ujësjellës Kanalizimeve në Durrës, është arrestuar në Gjermani.

“Gijotina” mëson se Gjoni është vënë në pranga rreth tre javë më parë, teksa fluturoi për në Gjermani për të parë ndeshjet e Kombëtares në kampionatin Europian.

Pas zbarkimit në shtetin gjerman dhe verifikimeve nga autoritetet atje në aeroport, u zbulua se Denis Gjoni rezultonte person në kërkim pas një dënimi që ishte dhënë ndaj tij nga drejtësia gjermane.

Gjatë detyrës në UKD, Denis Gjoni është denoncuar për veprime të dyshuara korruptive me tendera.

Pas zgjedhjeve parlamentare të vitit 2021, Denis Gjoni u denoncua gjithashtu nga Partia Demokratike për blerje votash në favor të Partisë Socialiste.

Gjoni rezulton edhe koordinator i PS-së për lagjen 17 në Durrës.