Vendi ynë po “digjet” pak nga pak nga temperaturat e larta. Vatrat e para të zjarreve janë regjistruar në Bashkinë e Gramshit. Në Njësinë Administrative Kodovjat janë djegur rreth 1 hektar pyje me pisha dhe kullota.
Në vendngjarje kanë shkuar zjarrfikëset e qytetit të Gramshit të cilat kanë bërë të mundur shuarjen e flakëve. Nga të dhënat e para, zjarri është shkaktuar nga temperaturat e larta. Zjarri ka nisur në Njësinë administrative Kodovjat nëpërmjet fshatrave Bulçar dhe Shelsan.
Gijotina.com pak më para la raportuar dhe për një zjarr të përmasave të mëdha që ka përfshirë masivin pyjor të Repsit, në Mirditë. Mësohet se flakët kanë përfshirë sipërfaqen pyjore pranë Rrugës së Kombit që prej orës 15:00, ndërsa rrezikohen disa banesa.
Po ashtu prej 24 orësh ishulli i Sazanit ndodhet nën pushtetin e flakëve, ndërsa ushtria dhe punonjësit e ADZM-ve janë dorëzuar. Fakti që në zonë ka akoma municione të pashpërthyer e bën akoma më të vështirë ndërhyrjen e tyre dhe shuarjen e flakëve.
Discussion about this post