“Përvëlohet Shqipëria”, merr flakë kodra në Kashar

Vendi ynë nuk ka mundur “të marrë frymë” i qetë këto kohë. Ditën e sotme janë raportuar shumë vatra zjarri, ku ka pasur rrezikshmëri dhe për banesat.

Pak më para bëhet e ditur se flakët kanë përfshirë një kodër në zonën e Kasharit në rrugën “28 Nëntori” në Tiranë, ku deri më tani pothuajse është djegur plotësisht njëra anë.

Zjarri po favorizohet nga zona, e cila është e mbushur me bimësi të llojeve të ndryshme, dhe temperaturat e larta. Për momentin nuk ka asnjë zjarrfikëse, ndërsa i gjithë vendi është mbushur me tym.

Në pamje shihet se si zjarri po djeg gjithçka, ndërsa aty pranë ndodhen edhe shumë banesa, të cilat mund të rrezikohen.