Memoriali i 11 Shtatorit në Ground Zero në Lower Manhattan në New York City ka filluar, duke shënuar momentin kur avioni i parë goditi Qendrën Tregtare Botërore në orën 8.46 të mëngjesit të 11 shtatorit 2001.
Joe Biden, Barack Obama dhe Bill Clinton bashkë me Zonjën e Parë Jill Biden, ish Zonja e Parë Michelle Obama dhe ish Sekretarja e Shtetit Hillary Clinton janë të pranishëm.
Biden ka bërë thirrje për një kthim në frymën e “unitetit të vërtetë kombëtar” që u përhap në Amerikë pas sulmeve terroriste të 11 shtatorit 20 vjet më parë. Të premten në mbrëmje ai tha se bashkimi shihej në “heroizëm kudo”, duke shtuar: “Për mua ky është mësimi kryesor i 11 shtatorit. Uniteti është forca jonë më e madhe. ”
Presidenti amerikan do të vizitojë vendin e tre sulmeve sot, në New York City dhe Pensilvani, dhe në Pentagon. Të shtunën në mëngjes udhëheqësit botërorë përfshirë Mbretëreshën Elizabeth II dhe Emmanuel Macron shënuan rastin me mesazhe solemne të mbështetjes.
Sulmet e 11 Shtatorit ishin një seri sulmesh të koordinuara terroriste, të udhëhequra nga grupimi terrorist AL Kaeda, kundrejt SHBA më 11 Shtator 2001. Objekte të sulmit ishin ndërtesa të rëndësishme në SHBA, si Kullat Binjake ku ishte vendosur Selia e OBT në Nju York, ndërtesa e Pentagonit si dhe Shtëpia e Bardhë.
Në sulmin e 11 shtatorit 2001 humbën jetën rreth 3 mijë persona. Viktimat në kullat binjake ishin 2 752, mes tyre 343 zjarrfikës dhe 60 policë.
