Të paktën pesë persona janë vrarë në një sulm rus në një shkollë të njohur në vend si Kështjella e Harry Potter-it në portin e Odesës, në jug të Ukrainës, deklaruan zyrtarët lokalë, shkruan telegraph.co.uk.
Zyrtarët lokalë thanë se të paktën 32 persona të tjerë u plagosën në sulmin e së hënës dhe 23 prej tyre mbetën të shtruar në spital.
Pamjet treguan çatinë e ndërtesës së zbukuruar, një akademi juridike private, pothuajse e shkatërruar pas goditjes ndërsa zjarrfikësit shuan flakët.
”Përbindësha. Kafshë. Egërsira. Nuk di çfarë të them tjetër”, theksoi Gennadiy Trukhanov, kryebashkiaku i Odesës, në një video të postuar në Telegram.
”Njerëzit shkojnë për shëtitje buzë detit dhe këta qëllojnë dhe vrasin”, shkruan ai.
Sipas medias ukrainase, ndërtesa është gjithashtu rezidenca e ish-deputetit Serhiy Kivalov, i cili drejton Akademinë Juridike dhe besohet se është plagosur.
Discussion about this post