Pësoi atak kardiak, futbollisti 18-vjeçar humb jetën në fushën e lojës

Një ngjarje rëndë ka ndodhur në Itali, nga ku raportohet se lojtari i Cit Turin, Adrien Sandjo ka humbur jetën në fushën e blertë.

18-vjeçari ka qenë i grumbulluar me Përfaqësuesen e Regjionit U19 të Piemontes teksa në një moment të caktuar gjatë ndeshjes së të enjtes ka humbur ndjenjat në fushë si pasojë e arrestit kardiak.

Ndonëse ndërhyrja është bërë shumë e shpejtë dhe është dërguar me urgjencë në spital, lojtari nuk ka mundur të mbijetojë.

Presidenti i Cit Turin, Angelo Frau ka treguar edhe gëzimin e madh që kishte shfaqur Adrien pasi ia kishte dalë të grumbullohej me U19-tën e Regjionit të Piemontes.

“Disa ditë më parë ia komunikuam Adrienit faktin se do të ishte i grumbulluar me Regjionin e Piemontes dhe ishte në qiellin e shtatë, ishte si të shihje lumturinë në një person fizik. Por, për fat të keq duke vrapuar pas topit, u këput në mënyrë të papritur për shkak të një problemi shëndetësor dhe nuk mundi t’ia dalë”,-tha Frau./K.T/Gijotina.com