Pësoi atak kardiak në fushë, ja çfarë ndodh me sulmuesin e kombëtares

Sulmuesi i kombëtares holandeze, Bas Dost, pësoi një atak kardiak më 29 tetor, gjatë ndeshjes Nec-AZ Alkmaar. 34-vjeçari arriti të shpëtojë vetëm falë ndërhyrjes së menjëhershme të stafit mjekësor të cilët e dërguan me urgjencë në spital.

Bas Dost ka lënë spitalin në Amsterdam, megjithatë, si masë paraprake i është vendosur një defibrilator i brendshëm. Pas diagnostikimit të miokardit, sulmuesi ka njoftuar se nuk do të zbresë më në fushën e blertë.

“Jam i lumtur që jam kthyer në shtëpi dhe do të shërohem tani. Dua të falënderoj të gjithë ata që më kanë mbështetur gjatë kësaj periudhe”, tha Bas Dost në një mesazh për klubin.