Pësoi infarkt, Sokol Balla flet për gjendjen e tij shëndetësore

Pas lajmit se gazetari i njohur Sokol Balla pësoi infarkt dhe u dërgua me urgjencë në spital, mësohet se është në gjendje të mirë shëndetësore.

Lajmi u bë i ditur nga vetë Balla, i cili është shprehur se ka dalë nga spitali dhe ndodhet në gjendje shumë të mirë shëndetësore.

Ai ka patur probleme shëndetësore mbrëmjen e së hënës dhe falë ndihmës së shpejtë të mjekëve mundi t’ia dalë.

“Jam shumë mirë”, ka deklaruar drejtori informativ i Top Channel.

Kujtojmë se Balla është një gazetar me shumë përvojë dhe eksperiencë, me poste drejtuese në disa nga televizionet kryesore të vendit. Ai u bë i njohur ku për shumë vite drejtoi redaksinë e lajmeve, po ashtu kishte emisionin e tij “Top Story”, dy herë në javë.

Më pas provoi edhe televizione të tjera, si Vizion + apo së fundmi News 24. Po ashtu njihet për shkrimet dhe analizat e tij të shpeshta në revista e gazeta. Nuk dihet nëse ka pasur edhe më parë probleme me shëndetin.