Deputeti i zgjedhur në qarkun e Fierit, Petro Koçi i ka kthyer përgjigje kreut të Kadastrës, Artan Lame lidhur me akuzat që ai ka publikuar në rrjetin e tij social në Facebook. Pasi Lame u shpreh dje nga Patosi se politika nuk duhet të përzihet me institucionin që ai drejton, Koçi theksoi se është pikërisht Kadastra, sektori që krijoi kosto politike dhe elektorale në Fier”. Politika thekson Koçi nuk ka pse i rri larg institucioneve, por larg institucioneve duhet të qëndrojnë korrupsioni.
“Me lutjen per mediat që të mos përkthejnë: Politika, në emër të qytetarëve e ka për detyrë të reflektojë e të kërkojë performancë sipas ligjit në çdo institucion. Kadastra, si e kam thënë edhe në analizën paraprake të zgjedhjeve është një sektor që krijoi kosto politike dhe elektorale në Fier. Pra politika nuk ka pse i rri larg institucioneve. Larg institucioneve duhet të qëndrojnë korrupsioni, shpërdorimi i detyrës, tallja me njerëzit, kapadaillëku dhe niveli i ulet i shërbimit. Këto s’kanë nevojë automatikisht për SPAK. Ka nevoje në rradhë të parë për nderhyrje dhe masa administrative. Por ka raste që dikush duhet çuar edhe në SPAK,”- shkruan Koçi në replikën e tij ndaj Lames.Më 16 korrik, përmes një postimi në Facebook, deputeti i Partisë Socialiste Petro Koçi deklaroi se në Fier duart e krimit janë shtrirë mbi financat publike. Nisur nga këto akuza të forta, SPAK ka nisur sot verifikimin e këtyre deklaratave. Petro Koçi tha se trafikantë droge tashmë kanë legalizuar subjekte biznesi që fitojnë tendera publike.
