Deputeti i Partisë Sociliste, Petro Koçi, ka vijuar me akuza ndaj Kadastrës së Fierit ditën e sotme nga foltorja e Kuvendit. Koci tha se Kadastra në Fier ta shembë skemën e zezë të korrupsionit atje dhe aty të vihen njerëz që përfaqësojnë profesionalizmin. Ai gjithashtu është shprehur se në Libofshë janë bërë dy investime të mëdha për kanalizimin e ujërave të zeza dhe kompania që ka marrë përsipër këtë projekt po zvarrit punët. Për këtë deputeti socialist i bën thirrje bashkisë që duhet të jetë më e rreptë. Ndërsa për
“Dua të vijoj me disa vërejtje dhe problematika që kam gjetur nga kontaktet me njerëzit. Dua të them që pushteti i zgjedhur duhet të jetë më i fortë se pushteti i kompanive. Në Libofshë janë bërë dy investime të mëdha. Te investimi për kanalizimin e ujërave të zeza. Kompania që është marrë me këtë projekt i ka zvarritur gjërat. Banorët janë të pakënaqur. Bashkia duhet të jetë më e rreptë. I kërkoj drejtorit të ri të Kadastrës në Fier ta shembë skemën e zezë të korrupsionit atje dhe aty të vihen njerëz që përfaqësojnë profesionalizmin. Kam një kërkesë edhe për drejtuesin e albpetrolit që ta rrëzojë rrethin mediokër. Ne duhet të kemi një administratë sa më të ndershme. Jo si ajo që ka njësia e Dërmenasit që Akoma nuk ka denoncuar shembjen e urës në Darëzezë. Akoma nuk është zbuluar kush është fajtori që ka përgjegjësi financiare” – tha ai.
Discussion about this post