Ajo që duam ne ta arrijmë me të rinjtë e shtetit tonë nuk është vetëm nxitja dhe ndërgjegjësimi për atë se çfarë do të thotë NATO dhe cilat janë obligimet që dalin nga anëtarësimi, por të ndihmojmë që të përfshihen në dialogun për çfarë është sot realitet në kontinent dhe për ndikimin e zhvillimeve gjeopolitike mbi sigurinë e secilit vend, tha ministrja e Mbrojtjes, Sllavjanka Petrovska.
Siç informojnë nga Ministria e Mbrojtjes, pak para fillimit të takimit të Këshillit të Atlantikut të Veriut në nivel të ministrave të mbrojtjes në Bruksel, ministrja Petrovska u takua me një grup studentësh nga Maqedonia e Veriut, të cilët si fitues të çmimit të parë në konkursin për se qëndrojnë në një vizitë studimore në selinë e Aleancës.Në takim, ministrja ka porositur se të rinjtë janë forca lëvizëse e çdo shoqërie dhe bëri thirrje për pjesëmarrjen e tyre aktive në diskutimin social edhe në Maqedoninë e Veriut, dhe në nivel të Aleancës, për temat që janë jashtëzakonisht të rëndësishme sot – forcimi i sigurisë, garantimi i sigurisë për çdo qytetar, ruajtja e demokracisë dhe vlerave demokratike.
“Petrovska shprehu kënaqësi që studentët, si autorë të eseve më të ranguara në Konkursin të cilin e organizoi Ministria, me temën “Maqedonia e Veriut dhe NATO-ja në vitin 2030”, treguan se mendojnë në mënyrë analitike, se janë të njohur me rrjedhat e reja globale dhe se kanë interes dhe dëshirë për të qenë liderë që së bashku me të rinjtë në nivel botëror do të punojnë për një të ardhme më prosperuese”, thonë nga Ministria e Mbrojtjes.
Studentët nga Maqedonia e Veriut gjatë vizitës së tyre treditore në selinë e NATO-s në Bruksel, përveç ministres Petrovska, sot patën takim edhe me ambasadorin e shtetit tonë në NATO, Dane Taleski, me ndihmës sekretaren e përgjithshme të NATO-s për diplomaci publike, Baiba Brazhe, si dhe me disa drejtorë programesh dhe oficerë politikash në Aleancë.
Ata, gjithashtu, patën mundësi të marrin pjesë drejtpërdrejt në një konferencë për shtyp të Sekretarit të Përgjithshëm të NATO-s, Jens Stoltenberg.
Discussion about this post