Shtohen zërat në Britaninë e Madhe ku janë të shumtë ata që kërkojnë mbajtjen e një referendumi të dytë në Britaninë e madhe për të anuluar të parin që vendosi për daljen e vendit nga Bashkimi Europian. Ndërkohë në Bruksel negociatat mes palëve janë bllokuar. Negociatat për daljen e Mbretërisë së Bashkuar nga Bashkimi Europian janë ende të bllokuara për shkak të faturës që Londra duhet të paguajë dhe mund të duhen tre vjet për ti mbyllur. Deklarata u bë nga kryenegociatori për Bashkimin Europian Mishel Barnier. Donald Tusk nag ana e tij shpjegon se nuk dihet nëse do të përfundojë me një marrëveshje të mirë apo pa asnjë marrëveshje. E vetmja e dhënë e qartë është se cdo gjë varet nga Londra. Por parlamenti europian është paralajmëruar se do të jetë Bashkimi Europian që do të vuajë pasojat nëse 27 vendet anëtare do të humbasin unitetin në këtë marrëveshje, një nga testet më të komplikuara i B-së i është dashur të përballet. Ajo që ështe e sigurtë është se ata të cilët kërkojnë që Mbretëria e bashkuar të dalë nga BE pa asnjë marrëveshje nuk kanë asnjë mbështetje në Bruksel sipas presidentit të komisionit europian Zhan Klod Junker. Por mungesa e marrëveshjes për momentin është makthi më i keq për BE. Për këtë arsye në Bruksel tensionet janë të larta sidomos pas apelit të kryebashkiakut të Londrës Sadik Kan një ditë më parë. Khan deklaroi se në vend mund të organizohet një referendum i dytë. Sipas kryebashkiakut londinez është një opsion më se i mundshëm mbajtja e një referendumi që do të anulonte të parin, ndërkohë që lideri i laburistëve Xheremi Korbin ka përjashtuar mundësinë e mbajtjes së një referendumi të dytë. Korbin u shpreh se nëse do të votohej sërish ai do të zgjidhte që referendumi të qëndronte poir meqënëse një gjë e tillë nuk do të ndodhë atëherë duhet pranuar rezultati i të parit. në të njëjtën linjë është deklaruar dhe kryeministrja britanike Tereza Mej. Duke iu përgjigjur një deputeti laburist i cili citonte një raport të OSBE, ku thuhej se ekonomi anritanike do të ishte më e fortë nëse ven di do të vijonte të ishte pjesë e BE-së, Mej theksoi se nuk do të ketë një referendum të dytë pasi nuk mund tu thuhet njerëzve se herën e parë votuan gabim. Nëse Londra do të gjente një marrëveshje me Brukselin, ekziston gjithnjë mundësia që kjo marrëveshje të mos pranohet nga parlamenti britanik. Sipas kryebashkiakut londinez një situatë e tillë do të ishte paralizuese për vendin. Një ditë më parë ish ministri i jashtëm Uilliam Hag theksoi se një referendum i dytë do të dëmtonte vendin dhe ata anti brexit si ai duhej të mësoheshin me idenë. Edhe liberaldemokratët britanikë mbështesin një referendum të dytë, edhe pse në parlament kanë vetëm 12 deputetë. Nga ana tjetër ish zëvendëskryeministri britanik Nik Kleg, e ka kthyer në një betejë personale mbajtjen e një referendumi të dytë, edhe pse aktualisht ai nuk është më deputet pas humbjes së pësuar në zgjedhjet e fundit. Paradoksi i Brezit, është se po menaxhohet nga një kryeministre e cila votoi për të qëndruar në Bashkimin Europian, dhe refuzohet nha një lider i opozitës i cili konsiderohet një mbështetësi i Brexit.
