Të gjitha fluturimet e brendshme në SHBA janë pezulluar për disa orë për shkak të një defekti teknik në sistemin e kontrollit të fluturimit.
Administrata Federale e Aviacionit (FAA) deklaroi se ka një problem me sistemin që paralajmëron pilotët për rreziqet e mundshme në itinerarin e udhëtimit.
Përmes një njoftimi zyrtar, Federata e Aviacionit bën me dije se po punohet për rregullimin e problematikës dhe shton se asnjë fluturim nuk do të ngrihet deri në orën 09:00.
Presidenti i SHBA, Joe Biden është informuar për ndërprerjen dhe Shtëpia e Bardhë tha se nuk kishte prova të një sulmi kibernetik deri në këtë pikë të informacioneve të grumbulluara.
Në një postim në Twitter, Sekretari i Shtypit i Shtëpisë së Bardhë tha se Presidenti kishte bërë thirrje për një “hetim të plotë mbi shkaqet”.
FAA tha se problemi qëndron në sistemin e saj të Njoftimit për Misionet Ajrore. American Airlines tha se ndërprerja po ndikonte “të gjitha fluturimet duke përfshirë të gjitha transportuesit”.
Discussion about this post