Pezullohet nga detyra shefi i Policisë Kufitare Durrës. Vendimi është marrë nga Drejtori i Përgjithshëm i Policisë së Shtetit, ndërsa thuhet se nënkomisari Kastriot Karafili nuk ka përmbushur detyrat dhe përgjegjësitë.
Nga dita e djeshme, strukturat e Policisë së Shtetit janë përfshirë nga ndryshimet, të cilat vijnë në një kohë kur në krye të Ministrisë së Brendshme është emëruar Taulant Balla.
Njoftimi/ DVKM Durrës
Ditën e sotme është pezulluar nga detyra, Shefi i Stacionit të Policisë Kufitare Durrës, Nënkomsiar K. K.
Shefi i Stacionit është pezulluar nga detyra, për mospërmbushje të detyrave funksionale dhe të përgjegjësive, për mungesë të treguesve të punës në kuadër të luftës për parandalimin dhe goditjen e kontrabandës dhe trafikut të automjeteve.
Drejtoria e Standardeve Profesionale në Policinë e Shtetit ka nisur hetimin disiplinor për performancë të dobët gjatë kryerjes së detyrës, si dhe për moszbatim të procedurave standarde të punës.
Ndërkohë, nga ana e Policisë së Shtetit kërkohet rritja e nivelit dhe e standardeve për shërbimin ndaj qytetareve dhe rritja e treguesve të punës në luftën ndaj paligjshmërive dhe krimit.
Discussion about this post