Me ardhjen në “pushtet” të drejtuesit të ri të Policisë së Shtetit, Gledis Nano i cili mori stafetën e detyrës së “ushtarit” të qeverisë në vend, ndryshimet në komisariate nuk kanë gjetur qetësi, duke e kthyer në një lojë “Pin-Pong”, sigurinë e vendit.
Për të patur në krahë “të besuarit” e vetë, më 20 tetor të 2021 ai shkarkoi gjashtë punonjës të policisë Korçë, mes tyre shefi i komisariatit Krenar Gjokutaj dhe shefi i qarkullimit Kelmend Pikuli.
Ndërsa sot Bujar Laze është emëruar shefi i ri i Komisariatit të Korçës duke zëvendësuar Krenar Gjokutaj.
Burime për gijotina.com bëjnë me dije se shef i ri i Komisariatit të Pogradecit në vend të Artur Hebajt është emëruar Oltion Agolli.
Për shefin e komisariatit Krenar Gjokutaj dhe shefin e qarkullimit Kelmend Pikuli, Prokuroria e Tiranës ka hetuar për veprën penale “Ushtrim i ndikimit të paligjshëm”.
Gjykata e Tiranës vendosi masën e sigurisë “detyrim paraqitje” për shefin e Komisariatit dhe pezullimin nga detyra.
Hajri Kushe nga zëvendës drejtor për hetimin e krimit në policinë Kukës, emërohet në të njëjtën pozitë në Shkodër.
Ermal Lila, nga shef i komisariatit të Elbasanit emërohet zëvendës drejtor për hetimin e krimit në Kukës.
Vilson Bala nga shef komisariati Bulqizë emërohet shef komisariati në Durrës.
Në Vorë në vend të Aliosha Brokes (kalon specialist në drejtorinë e standardeve profesionale) emërohet shef komisariati Kreshnik Gjecka.
Dashamir Bendo emërohet shef i operacionales në Tiranë. Alfred Cenaj emërohet shef komisariati në Elbasan.
Pëllumb Kovashica emërohet shef komisariati në Peqin.
Drejtori i migracionit dhe kufirit Andon Marko, zvendësohet nga Fatmir Hoxha.
