Kryetari i Bashkisë së Tiranës, Erion Veliaj, i cili njihet si ithtar dhe shërbëtor i kryeministrit Rama ka ndërmarrë veprimin e fundit për t’i ardhur në ndihmë kreut të qeverisë.
Burime të sigurta pranë Bashkisë së Tiranës bëjnë me dije se kryebashkiaku i ka bërë një ftesë të veçantë këngëtarit Goran Bregoviç, ardhja e të cilit për të performuar në Korçë, veç indinjatës së thellë që krijoi tek artistët dhe publiku, shkaktoi dhe incidente kur u ngjit në skenë.
Por me qëllim për të mbuluar irritimin e qytetarëve dhe për të mbrojtur politikat provokuese të Ramës, Veliaj ka menduar që të nderojë këngëtarin që njihet botërisht për qëndrimet pro masakrave serbe në Kosovë.
Shumë figura nga arti e politika, protestuan dhe i bënë thirrje të vazhdueshme kryeministrit për ta ndaluar ardhjen e Bregoviç në Korçë, por Rama duket se e ka mjaft për zemër Serbinë dhe refuzoi të pengojë ardhjen e tij. Ndërsa Kryebashkiaku zgjedh të bëjë “një sy qorr e një vesh shurdh” para zërit të qytetarëve, të cilët protestuan në rrjetet sociale për mosardhjen e këngëtarit, që me “artin” e tij ka nxitur gjenocidin serb në Kosovë.
