Një 47-vjeçar ka rënë në prangat e policisë së kryeqytetit ditën e sotme pasi pas kontrollit fizik iu gjetën armë dhe thikë. Ai u arrestua në një lokal ku po pinte dhe kafen.
Alket Bardhi u ndalua nga blutë e kryeqytetit dhe në momentin e arrestimit iu sekuestruan një armë zjarri pistoletë dhe një thikë që i mbante me vete.
Ai tashmë do të përballet me akuzën e armëmbajtjes pa leje ndërkohë materialet procedurale i kaluan Prokurorisë.
“Finalizohet, nga Komisariati i Policisë Nr. 4, operacioni policor i koduar “Klienti”, për goditjen e veprimtarisë kriminale në fushën e armëmbajtjes pa leje. Sekuestrohen 1 armë zjarri pistoletë, municion luftarak dhe 1 mjet prerës (thikë). Vihet në pranga poseduesi.
Shërbimet e Komisariatit të Policisë Nr. 4, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në rrugën “Njazi Mela”, në një lokal, ndodhej një shtetas i armatosur, kanë organizuar punën dhe kanë finalizuar me sukses operacionin policor të koduar “Klienti”.
Si rezultat i këtij operacioni, u arrestua në flagrancë shtetasi A. B., 47 vjeç, banues në Tiranë, për veprat penale “Mbajtja pa leje dhe prodhimi i armëve, armëve luftarake dhe i municionit”, dhe “Prodhimi, mbajtja, blerja apo shitja pa leje e armëve të ftohta”. Gjatë kontrollit fizik të shtetasit A. B., shërbimet e Policisë i gjetën dhe sekuestruan, në cilësinë e provës materiale, një armë zjarri pistoletë, municion luftarak dhe një mjet prerës.”
Materialet i kaluan Prokurorisë, për veprime të mëtejshme procedurale.
Discussion about this post