Pas barazimit me Salernitanën, Stefano Pioli është shprehur i hidhëruar dhe i pakënaqur duke komentuar barazimin e mbrëmshëm.
“Në pjesën e parë ne e kontrolluam lojën mjaft mirë, por jo aq rrezikshëm sa donim. Nuk ishte një rënie mendore apo fizike. Një ekip që merr epërsinë duhet të bëjë më shumë për të fituar dhe në vend të kësaj ne pësuam gol nga një rivënie. Pas barazimit, ndeshja u bë nervoze, ishte një mundësi e humbur. Duhet të kishim bërë më mirë dhe jemi të zhgënjyer.
Ne duhet të rritemi nëse duam të jemi një skuadër e nivelit të lartë. Skuadrat e mëdha përballen çdo ndeshje sikur të ishte vendimtare. Disa kanë bërë mirë, të tjerë jo. Ne duhet të jemi në grupin që duhet të bëjë më mirë. E dinim që në fillim që ishte një ndeshje e rëndësishme dhe se nuk do të ishte e lehtë. Salernitana na ka krijuar probleme edhe në ndeshjen e parë”, u shpreh Pioli.
Discussion about this post