Klubi i Milan ka rinovuar kontratën me trajnerin Stefano Pioli. Palët kanë vendosur që të vijojnë punën së bashku deri në vitin 2023 si edhe me opsionin për ta zgjatur me një tjetër sezon.
Kjo kontratë është nënshkruar mëngjesin e sotëm, ndërsa trajneri ka rënë dakord që të marrë 3.5 milionë euro në sezon dhe bashkë me bonuset mund të shkojë deri në 4 milionë.
Puna e teknikut pëlqehet shumë nga drejtuesit ‘Kuqezi’ të Italisë, të cilët e panë ekipin e tyre të rikthehej në Champions League pas shumë vitesh, ndërsa aktualisht janë duke e parë si kryesues të Seria A edhe pse ende me pikë të barabarta me Napolin, nga 32 secili.
Pra puna e Stefano Pioli duket se është në vazhdim e sipër dhe ecuria në rezultate do të jetë edhe vendimtare për zgjatje të mëtejshme mes palëve./K.T/Gijotina.com
Discussion about this post