Andrea Pirlo është duke pritur ofertën e duhur për t’u rikthyer në krye të stolit të një skuadre. 42-vjeçari drejtoi Juventus në sezonin 2020-2021, e cila ishte edhe aventura e tij e parë si trajner.
Tashmë ish-lojtari i Italisë mund të përfundojë në Portugali, aty ku pëlqehet nga Benfica. Kreu i “Shqiponjave të Lisbonës” është Rui Costa, i cili e ka pasur shok skuadre Pirlon te Milani.
Duket se pozitat e trajnerit Jorge Jesus në stolin e ekipit janë lëkundur dhe ‘Calciomercato’ raporton se presidenti i Benficas po mendon Pirlon si pasuesin e 67-vjeçarit.
Ende nuk raportohet të ketë negociata mes palëve ,ndërsa emra të tjerë që lidhen me stolin e ekipit luzitan janë Nuno Espirito Santo dhe Paulo Fonseca.
Rikujtojmë që Benfica ia doli të kualifikohet në raundin e 1/8-ve në Champions League, fazë në të cilën do të përballet me Ajax./K.T/Gijotina.com
Discussion about this post