Piu fotoksinë, humb jetën gruaja në spitalin e Fierit

Një grua ka humbur jetën këtë të mërkurë në spitalin e Fierit pasi ka konsumuar fotoksinë.

“Në Spitalin Rajonal Fier, është paraqitur për ndihmë mjekësore shtetasja V. D., rreth 60 vjeçe banuese në fshatin Hasturkas, njësia administrative Libofshë, me probleme të shëndetit mendor, e cila dyshohet se ka konsumuar lëndë helmuese (fotoksinë). Pavarësisht ndihmës mjekësore, kjo shtetase ka humbur jetën”, njoftoi policia.

Grupi hetimor vijon punën për sqarimin e rrethanave dhe dokumentimin e plotë ligjor të këtij rasti, shtuan të njëjtat burime.