Një vajzë e re raportohet se është në gjndje të rëndë pasi kishte pirë një kafe nga një atomat shitjeje në aeroport, teksa pa me vonesë se pija ishte e mbushur me insekte.
21 vjeçarja që raportohet se punon për një kompani ajrore kishte blerë kafenë nga makineria në aeroportin Son Sant Joan në Palma të Spanjës, sipas disa mediave britanike.
Pasi e ktheu disa herë ajo kishte ndjerë shijen e çuditshme, dhe kur pa brenda në gotë gjeti insektet që lëviznin nëpër të, shkruante rrjeti vendas Ultima Hora.
Më pas ajo raportohet e kishte pësuar një reaksion alergjik duke mbetur pa frymëmarrje dhe ishte dërguar në spital nga stafi aeroportit.
Familja e saj ka ngritur një ankesë ndaj aeroportit duke akuzuar për krim ndaj shëndetit publik për insektet që kontaminonin pijet e makinerisë.
Zyrtarët e aeroportit thanë se kanë nisur hetime dhe kontroll të makinerive të shitjeve në impiant.
Discussion about this post