Miralem Pjanic u largua ditën e djeshme nga Barcelona për t’u konfirmuar më pas te klubi turk i Besiktas. Lojtari ishte i padëshiruar nga trajneri Ronald Koeman, i cili siç duket nuk i la zgjidhje tjetër përveçse largimin nga katalanasit.
Në një intervistë për ‘Marca’ mesfushori boshnjak e akuzon teknikun për mosrespektim edhe pse theksoi se kishte pranuar të ulte dhe rrogën.
“Koeman nuk më respektoi. Ai kurrë nuk po fliste me mua! Unë jam një lojtar që mund të pranoj gjithçka, por gjithmonë do të doja që të më shpjegohej… dhe jo sikur të isha 15 vjeç. Unë pranova të ul rrogën time dhe të bashkohem me Besiktasin sepse më pëlqen të luaj futboll”,- u shpreh 31-vjeçari./Gijotina.com
